Ֆուտբոլի Գերմանիայի առաջնության 8-րդ տուրում չեմպիոն «Բավարիան» արտագնա խաղում մրցեց «Աուգսբուրգի» հետ: Նիկո Կովաչի գլխավորած թիմը 1 միավոր վաստակեց:
Խաղի հաշիվն առաջին րոպեին բացեց «Աուգսբուրգի» կիսապաշտպան Մարկո Ռիխտերը: Ռոբերտ Լևանդովսկին 14-րդ րոպեին խփեց պատասխան գոլը: Սերժ Գնաբրին 49-րդ րոպեին առաջ մղեց «Բավարիային»:
Հանդիպման ավելացված ժամանակում փոխարինման դուրս եկած իսլանդացի հարձակվող Ալֆրեդ Ֆինբոգասոնը խփեց «Աուգսբուրգի» երկրորդ գոլը և 1 միավոր պարգևեց իր թիմին:
«Բավարիան» այժմ 15 միավորով մրցաշարային աղյուսակի երրորդ տեղում է:
Գերմանիայի առաջնություն, 8-րդ տուր
«Աուգսբուրգ» - «Բավարիա»՝ 2:2
Մարկո Ռիխտեր, 1, Ալֆրեդ Ֆինբոգասոն, 90+1 - Ռոբերտ Լևանդովսկի, 14, Սերժ Գնաբրի, 49
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։