Լա Լիգայի նախագահն առաջարկել է ՊՍԺ-ին և «Մանչեսթեր Սիթիին» զրկել Չեմպիոնների լիգայի մասնակցությունից

17:18   19 հոկտեմբերի, 2019

Իսպանական Լա Լիգայի նախագահ Խավիեր Տեբասը հերթական անգամ պնդել է, որ Ֆրանսիայի չեմպիոն ՊՍԺ-ն և Անգլիայի չեմպիոն «Մանչեսթեր Սիթին» խախտում են ֆինանսական արդար խաղի կանոնները:

«Այդ ակումբները պետք է զրկվեն ՈւԵՖԱ-ի կողմից կազմակերպվող մրցաշարերին մասնակցելու իրավունքից: ՊՍԺ-ն և «Մանչեսթեր Սիթին» մեծ վտանգ են եվրոպական ֆուտբոլի համար:

ՈւԵՖԱ-ն պետք է անհապաղ հետաքննություն իրականացնի: ՊՍԺ-ի և «Մանչեսթեր Սիթիի» սեփականատերերը խախտում են ֆինանսական արդար խաղի կանոնները և ծախսում են շատ ավելի, քան թույլատրվում է»,- Տեբասի խոսքը փոխանում է Marca-ն:

Ավելի վաղ Խավիեր Տեբասը հայտարարել էր, որ մի քանի տարի հետո եվրոպայի ամենահեղինակավոր ակումբները մեծ խնդիրների առաջ կկանգնեն, եթե ՈւԵՖԱ-ն խիստ վերաբերմունք ցույց չտա ՊՍԺ-ի և «Մանչեսթեր Սիթիի» նկատմամբ:



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։