Գվարդիոլա․ Հիմա «Լիվերպուլն» անում է ֆանտաստիկ բաներ, բայց առջեւում դեռ 50 խաղ կա բոլոր մրցաշարերում

Անգլիայի չեմպիոն «Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլան խոսել է «Լիվերպուլի» հետ մրցակցության մասին։ Անգլիայի առաջնության 8 տուրից հետո «Մանչեսթեր Սիթին» «Լիվերպուլից» հետ է 8 միավոր։

«Ամեն մրցաշրջան տարբերվում է նախորդից։ Այս փուլում չի կարելի ստույգ խնդիրներ դնել, պետք է ապրել ներկայով։ Ապրիլ-մայիսին կմտածենք վերջնագծի մասին։ Հիմա «Լիվերպուլը» ֆանտաստիկ բաներ է անում, բայց առջեւում դեռ 50 խաղ կա բոլոր մրցաշարերում։ Առաջադիմում են նաեւ «Չելսին» ու «Արսենալը»։ Խաղի մակարդակն անընդհատ աճում է»,- Գվարդիոլայի խոսքը մեջբերում է Goal.com-ը։

Անգլիայի առաջնության 9-րդ տուրում «Մանչեսթեր Սիթին» կհյուրընկալվի «Քրիսթալ Փելասին», «Լիվերպուլը»՝ «Մանչեսթեր Յունայթեդին»։