Մեն կղզում շարունակվող FIDE Chess.com Grand Swiss մրցաշարում հոկտեմբերի 18-ին տեղի են ունեցել 8-րդ տուրի պարտիաները:
Լևոն Արոնյանը սևերով մրցել է ամերիկացի Ֆաբիանո Կարուանայի հետ: 38-րդ քայլում գրոսմայստերները համաձայնվել են կիսել միավորը:
Սերգեյ Մովսեսյանը սպիտակներով հաղթել է Իսրայելը ներկայացնող Ավիտալ Բորուչովսկուն, իսկ Կարեն Մովսիսյանը սպիտակներով հաղթանակ է տարել ֆրանսիացի Մարի Սեբագի նկատմամբ:
Ռոբերտ Հովհաննիսյանը, Գաբրիել Սարգսյանն ու Վլադիմիր Հակոբյանը ոչ ոքի են խաղացել:
Հրանտ Մելքումյանն ու Էլինա Դանիելյանը պարտություն են կրել:
Մրցաշարային աղյուսակում Լևոն Արոնյանը 6 միավորով Ֆաբիանո Կարուանայի և իսպանացի Դավիդ Անտոն Գուիխարոյի հետ կիսում է 1-3 տեղերը:
FIDE Chess.com Grand Swiss մրցաշարը կավարտվի հոկտեմբերի 21-ին: Հաղթողը կստանա աշխարհի չեմպիոնի հավակնորդների մրցաշարի ուղեգիր։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։