«Բարսելոնայի» 2 ֆուտբոլիստ ապաքինվել է վնասվածքից
21:10 18 հոկտեմբերի, 2019Իսպանիայի չեմպիոն «Բարսելոնայի» պաշտպաններ Սամուել Ումտիտին և Ժունիոր Ֆիրպոն ապաքինվել են վնասվածքից և կկարողանան մասնակցել ակումբի առաջիկա հանդիպմանը, հաղորդում է ակումբի մամուլի ծառայությունը:
«Բարսելոնայի» գլխավոր մարզիչ Էռնեստո Վալվերդեն Ումտիտիին և Ֆիրպոյին ընդգրկել է Իսպանիայի առաջնության 9-րդ տուրի՝ «Էյբարի» հետ հանդիպման հայտացուցակում:
«Բարսելոնան» «Էյբարի» հետ արտագնա հանդիպում կանցկացնի հոկտեմբերի 19-ին: Հանդիպումը կմեկնարկի Երևանի ժամանակով 15:00-ին:
Հիշեցնենք, որ «Բարսելոնան» 16 միավորով երկրորդն է մրցաշարային աղյուսակում: Առաջատարը Մադրիդի «Ռեալն» է՝ 18 միավորով:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։