UFC նախագահը մերժել է Մաքգրեգորին
10:12 19 հոկտեմբերի, 2019Խառը մենամարտերի թեթև քաշային կարգի նախկին չեմպիոն, իռլանդացի Քոնոր Մաքգրեգորն այս տարի օկտագոն դուրս չի գա, հայտարարել է UFC նախագահ Դան Ուայթը:
«Խաբիբի հետ մենամարտից հետո ես կարծում էի, որ Մաքգրեգորն այլևս չի ցանկանա մենամարտ անցկացնել: Նա այնքան գումար ունի, որ մենամարտելու կարիք պարզապես չունի:
Այնուամենայնիվ, Քոնորը ցանկություն հայտնեց դեկտեմբերին մենամարտել Ֆրենկ էդգարի հետ, սակայն ես մերժել եմ Մաքգրեգորին: Էդգարն ավելի ցածր քաշային կարգի մարզիկ է և չի կարող մենամարտել Մաքգրեգորի հետ:
Կարծում եմ, որ Մաքգրեգորի հաջորդ մենամարտը տեղի կունենա 2020 թվականին»,- Ուայթի խոսքը մեջբերում է MMAJunkie-ն:
Ավելի վաղ Մաքգրեգորը հայտարարել էր, որ ցանկանում է ռևանշ մենամարտ անցկացնել թեթև քաշային կարգի գործող չեմպիոն, ռուսաստանցի Խաբիբ Նուրմագոմեդովի հետ:
Նախորդ տարվա հոկտեմբերին տեղի ունեցած մենամարտում Խաբիբ Նուրմագոմեդովը խեղդող հնարքով հաղթանակ էր տարել Մաքգրեգորի նկատմամբ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։