Աշխարհի չեմպիոններ Սիմոն Մարտիրոսյանն ու Հակոբ Մկրտչյանը ծանրամարտի Հայաստանի հավաքականի հետ մեկնել են Բուխարեստ՝ մասնակցելու հոկտեմբերի 17-27-ը Ռումինիայի մայրաքաղաքում անցկացվելիք ծանրամարտի Եվրոպայի մինչեւ 23 տարեկանների առաջնությանը։
Այդ մասին NEWS.am Sport-ի թղթակցի հետ զրույցում հայտնեցին աշխարհի չեմպիոնները:
«Աշխարհի առաջնությունից հետո հասցրեցի մի քանի օր հանգստանալ, մասնակցեցի ուսումնամարզական հավաքի եւ պատրաստ եմ մասնակցել Եվրոպայի առաջնությանը»,- ասաց Սիմոն Մարտիրոսյանը:
Մինչեւ 23 տարեկանների պայքարում հանդես կգան նաեւ Համլետ Մնացականյանը (61կգ), Նշան Անտոնյանը (67կգ), Դավիթ Հովհաննիսյանը (89կգ), Սամվել Բաբակյանը (96կգ), Սամվել Գասպարյանը (102կգ), կանանց պայքարում՝ Տաթեւ Հակոբյանը (87կգ):
Մինչեւ 20 տարեկանների պայքարին կմասնակցեն Մոնթե Մխիթարյանը (55կգ), Սեւակ Նիկողոսյանը (67կգ), Ռաֆիկ Հարությունյանը, Կարեն Մարգարյանը (81կգ), Կարեն Ավագյանը, Արա Աղանյանը (89կգ), Հմայակ Հարությունյանը (96կգ), Յաշա Մինասյանը (102կգ) եւ Վարազդատ Լալայանը (+109կգ):
Կանանց պայքարում հանդես կգան Լիանա Գյուրջյանը, Աիդա Մանուկյանը (81կգ) եւ Արփինե Դալալյանը (+87կգ):
Լուսինե Շահբազյան
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։