Լոնդոնի «Արսենալի» գլխավոր մարզիչ Ունաի Էմերին հայտարարել է, որ վստահում է թիմի կիսապաշտպան Մեսութ Օզիլին:
«Վերջին մարզումների ընթացքում Օզիլը սկսել է իրեն ավելի լավ դրսևորել, ինչն ինձ շատ է դուր գալիս: Նա կստանա իր հնարավորությունը և ամեն ինչ պետք է անի, որպեսզի ապացուցի, որ տեղ ունի այս թիմում:
Իմ և Օզիլի հարաբերություններն ամեն օր ավելի են լավանում»,- The Mirror-ի հաղորդմամբ՝ ասել է Էմերին:
Ավելի վաղ Մեսութ Օզիլը հայտարարել էր, որ իրեն երջանիկ է զգում «Արսենալում» և ակումբում կմնա մինչև իր պայմանագրի ժամկետի ավարտը:
Օզիլի պայմանագիրն «Արսենալի» հետ նախատեսված է մինչև 2021 թվականի հունիս:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։