«Մանչեսթեր Յունայթեդի» նախկին խաղացող. Մանջուկիչն այն խաղացողը չէ, որը հիմա պետք է «Յունայթեդին»

10:20   17 հոկտեմբերի, 2019

Անգլիական «Մանչեսթեր Յունայթեդի» նախկին ֆուտբոլիստ Փոլ Ինսը կարծիք է հայտնել Թուրինի «Յուվենտուսի» հարձակվող Մարիո Մանջուկիչի՝ «Մանչեսթեր Յունայթեդ» հնարավոր տեղափոխության վերաբերյալ:

«Մանջուկիչը ոչ մի դեպքում չպետք է տեղափոխվի «Մանչեսթեր Յունայթեդ»: Նա այն ֆուտբոլիստը չէ, որը հիմա պետք է ակումբին:

Իհարկե, ձմեռային տրանսֆերային պատուհանի ընթացքում «Մանչեսթեր Յունայթեդը» մեծ աշխատանք պետք է կատարի, եթե ցանկանում է պայքարել գավաթների համար, սակայն ցանկացած տրանսֆեր պետք է կատարել մտածված»,- Ինսի խոսքը փոխանցում է The Mirror-ը:

Ավելի վաղ բրիտանական պարբերականները հաղորդում էին, որ «Մանչեսթեր Յունայթեդի» գլխավոր մարզիչ Ուլե-Գունար Սուլշերն ակումբի ղեկավարությունից պահանջել է ձմեռային տրանսֆերային պատուհանի ընթացքում իրականացնել Մանջուկիչի տեղափոխությունը:



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։