«Բավարիան» «Մանչեսթեր Յունայթեդին» առաջարկել է ձեռք բերել Բոատենգին

Մյունխենի «Բավարիայի» և Գերմանիայի ազգային հավաքականի պաշտպան Ժերոմ Բոատենգը հնարավոր է՝ կարիերան շարունակի Անգլիայի Պրեմիեր լիգայում, հաղորդում է The Athletic-ը:

Գերմանիայի չեմպիոնի ղեկավարությունը կապ է հաստատել «Մանչեսթեր Յունայթեդի» ղեկավարության հետ և առաջարկել ձեռք բերել 31-ամյա պաշտպանի տրանսֆերը 13 միլիոն եվրոյի դիմաց:

Ավելի վաղ հայտնի էր դարձել, որ Բոատենգը ցանկանում է տեղափոխվել Իտալիա կամ Իսպանիա:

Գերմանացի պաշտպանի պայմանագիրը «Բավարիայի» հետ նախատեսված է մինչև 2021 թվականի հունիս:

Ընթացիկ մրցաշրջանում Բոատենգը Գերմանիայի չեմպիոնի կազմում մասնակցել է 6 հանդիպման: