Մեսի. Առանց «Բարսելոնայի» ես ոչ մի մրցանակ չէի նվաճի

22:47   16 հոկտեմբերի, 2019

Կատալոնական «Բարսելոնայի» և Արգենտինայի ազգային հավաքականի առաջատար Լիոնել Մեսին խոսել է «Ոսկե խաղակոշիկին» արժանանալու մասին: 32-ամյա հարձակվողը թվարկել է «Բարսելոնայի» այն խաղացողներին, առանց որոնց նա չէր կարող հասնել այդ նվաճմանը:

«Առանց «Բարսելոնայի» ես ոչ մի մրցանակ չէի կարողանա նվաճել: Իմ ցանկացած նվաճման համար պարտավոր եմ ակումբին:

«Ոսկե խաղակոշիկին» արժանացել եմ Սուարեսի և Ալբայի շնորհիվ: Եթե նրանք չլինեին, ես չէի կարող 36 գոլ խփել»,- Մեսիի խոսքը փոխանցում է Football Espana-ն:

Հիշեցնենք, որ Եվրոպայի լավագույն ռմբարկուի «Ոսկե խաղակոշիկ» մրցանակը 6-րդ անգամ և երրորդ տարին անընդմեջ ստացավ Իսպանիայի չեմպիոն «Բարսելոնայի» արգենտինացի հարձակվող Լիոնել Մեսին, որը Իսպանիայի անցած առաջնությունում խփել էր 36 գոլ։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։