Բրազիլական «Սան Պաուլոյի» և Բրազիլիայի ազգային հավաքականի եզրային պաշտպան Դանի Ալվեսը խոսել է եվրոպական ֆուտբոլում ռասիզմի մասին:
«Ես տարբեր երկրներում եմ խաղացել և կարող եմ ասել, որ ռասիստներն անհամեմատ ավելի մեծ թիվ են կազմում Փարիզում: Անձամբ ես երբեք ռասիզմի զոհ չեմ դարձել, սակայն մենք տեսնում ենք, թե ինչ է կատարվում ֆուտբոլում»,- Ալվեսի խոսքը մեջբերում է RMC Sport-ը:
Հիշեցնենք, որ Եվրո-2020-ի ընտրական փուլի՝ Բուլղարիա - Անգլիա հանդիպման ընթացքում բուլղարացի երկրպագուները ռասիստական բնույթի վիրավորանքներ էին հնչեցրել Անգլիայի հավաքականի ֆուտբոլիստների հասցեին:
Հանդիպման ավարտից հետո Բուլղարիայի ֆուտբոլի ֆեդերացիայի նախագահը հրաժարական է ներկայացրել:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։