38-ամյա Ֆեդերերը կարիերան ավարտելու մտադրություն դեռ չունի

13:15   16 հոկտեմբերի, 2019

38-ամյա շվեյցարացի Ռոջեր Ֆեդերերը 2020-ին կարիերան ավարտելու մտադրություն չունի եւ ցանկանում է մասնակցել 2020թ․ Տոկիոյի Օլիմպիական խաղերին։

«Զգում եմ, որ դեռ շատ ուժ ունեմ։ Դրականն այն է, որ չգիտեմ, թե երբ այս ամենը կավարտվի։ Ես կխաղամ նաեւ 2020-ից հետո։

Ֆիզպատրաստության մարզիչս ասում է, որ տեղյակ պահեմ, թե երբ եմ ավարտելու կարիերաս, որպեսզի վերջին մրցաշրջանի ընթացքում այլեւս ֆիզպատրաստության վրա շեշտը չդնենք։ Բայց դեկտեմբերին մտադիր եմ աշխատել ֆիզպատրաստությանս վրա։ Առայժմ մոտիվացված եմ, ամեն ինչ գերազանց է»,- Ֆեդերերի խոսքը մեջբերում է Tennis 365-ը։

Ֆեդերերը «Մեծ սաղավարտի» մրցաշարերի 20-ակի հաղթող է։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։