«Ինտերը» հետաքրքրվում է Ժիրուի ծառայություններով

23:32   15 հոկտեմբերի, 2019

Լոնդոնի «Չելսիի» և Ֆրանսիայի ազգային հավաքականի հարձակվող Օլիվյե Ժիրուն հայտնվել է Միլանի «Ինտերի» մարզչական շտաբի ուշադրության կենտրոնում, հայտնում է Sky Italia-ն:

Աղբյուրի հաղորդմամբ՝ «Ինտերը» կփորձի ձեռք բերել 33-ամյա հարձակվողի տրանսֆերային իրավունքը ձմեռային տրանսֆերային պատուհանի ընթացքում:

Ավելի վաղ Ժիրուն հայտարարել էր, որ ձմռանը կհեռանա «Չելսիից», եթե ակումբի գլխավոր մարզիչ Ֆրենկ Լեմպարդը շարունակի խաղաժամանակ չտրամադրել իրեն:

Ընթացիկ մրցաշրջանում Ժիրուն մասնակցել է «Չելսիի» 3 հանդիպման:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։