Մարկուս Ռաշֆորդը՝ «Բարսելոնայի» թիրախում

23:11   15 հոկտեմբերի, 2019

Անգլիական «Մանչեսթեր Յունայթեդի» և Անգլիայի ազգային հավաքականի հարձակվող Մարկուս Ռաշֆորդը կարող է մարզական կարիերան շարունակել Իսպանիայի չեմպիոն «Բարսելոնայում»:

Mundo Deportivo-ի հաղորդմամբ՝ «Բարսելոնան» հետևում է «Մանչեսթեր Յունայթեդում» Ռաշֆորդի մրցելույթներին և գոհ է 21-ամյա հարձակվողի ցուցադրած խաղից: 

«Բարսելոնայում» Ռաշֆորդին դիտարկում են որպես ուրուգվայցի հարձակվող Լուիս Սուարեսին փոխարինող:

Անգլիացի հարձակվողի պայմանագիրը մանչեսթերյան ակումբի հետ նախատեսված է մինչև 2023 թվականի հունիս:

Նշենք, որ Ռաշֆորդն ընթացիկ մրցաշրջանում «Մանչեսթեր Յունայթեդի» կազմում մասնակցել է 10 հանդիպման՝ դառնալով 3 գոլի և 2 գոլային փոխանցման հեղինակ:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։