Ֆրանսիայի սպորտի նախարարը ՈւԵՖԱ-ին խնդրել է պատժամիջոց կիրառել Թուրքիայի հավաքականի նկատմամբ

Ֆրանսիայի սպորտի նախարար Ռոքսանա Մարասինյանուն քննադատել է Թուրքիայի հավաքականին, որի ֆուտբոլիստները Ֆրանսիայի հավաքականի հետ Եվրո-2020-ի ընտրական խաղում (1։1) գոլ խփելուց հետո զինվորական ողջույնի ժեստ են ցուցադրել։

«Շնորհակալություն եմ հայտնում Ֆրանսիայի ֆուտբոլի ֆեդերացիային եւ ոստիկանությանը անվտանգ հանդիպման ապահովման աշխատանքներին համար։ Թուրք խաղացողները խոչընդոտեցին այդ ջանքերին՝ ցուցադրելով զինվորական ողջույն, ինչը հակասում է սպորտի ոգուն։ ՈւԵՖԱ-ին խնդրում եմ պատժամիջոց կիրառել Թուրքիայի հավաքականի նկատմամբ»,- գրել է սպորտի նախարարը Թվիթերում։

Նշենք, որ 44-ամյա Մարսինյանուն ծագումով ռումինացի է, լողորդի կարիերայի ընթացքում ներկայացրել է Ֆրանսիան, դարձել է 2000թ․ Սիդնեյի Օլիմպիական խաղերի փոխչեմպիոն, աշխարհի ու Եվրոպայի չեմպիոն է։