«Ռեալի» պատվիրակությունը Բարսելոնա կժամանի ուժեղացված հսկողությամբ
17:11 14 հոկտեմբերի, 2019Մադրիդի «Ռեալի» ղեկավարությունն անհանգստացած է Կատալոնիայում ընթացող քաղաքական գործընթացների կապակցությամբ, հայտնում է Marca-ն:
Աղբյուրի հաղորդմամբ՝ «Ռեալի» պատվիրակությունը Բարսելոնա կժամանի ուժեղացված հսկողությամբ, քանի որ ակումբի ղեկավարությունը մտավախություն ունի, որ թիմի ֆուտբոլիստները կարող են հարձակման ենթարկվել ցուցարարների կողմից:
Տեղեկացնենք, որ Կատալոնիայի անկախության կողմնակիցները դուրս են եկել Բարսելոնայի, Տարագոնայի, Ժիրոնայի և այլ քաղաքների փողոցներ։ Ցույցերի որոշ մասնակիցներ փակում են փողոցները։ Իսպանիայի կազմից Կատալոնիայի դուրս գալու կողմնակից կազմակերպությունները կոչ են անում ինքնավար մարզի բնակիչներին դուրս գալ փողոցներ՝ ի նշան բողոքի։
Նշենք, որ «Բարսելոնա» - «Ռեալ Մադրիդ» հանդիպումը տեղի կունենա հոկտեմբերի 26-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։