Անգլիական «Մանչեսթեր Յունայթեդի» նախկին կիսապաշտպան Մարուան Ֆելաինին խոսել է ընթացիկ մրցաշրջանում իր նախկին թիմի մրցելույթների մասին:
«Սկզբում «Մանչեսթեր Յունայթեդի» ղեկավարությունը գլխավոր մարզիչի պաշտոնում նշանակեց Դևիդ Մոյեսին և նրան անհրաժեշտ ժամանակ չտվեց իր թիմը կառուցելու համար: Նույնը եղավ նաև վան Գալի ու Մոուրինիոյի դեպքում: Կարծում եմ, որ Մոուրինիոյին չպետք է հեռացնեին, այլ՝ ժամանակ տային:
Ակումբի խնդիրները հասկանալու և հաղթող թիմ կառուցելու համար նվազագույնը 2 տարի է հարկավոր: Չգիտեմ՝ Ուլե-Գունար Սուլշերին կտրվի այդ հնարավորությունը, թե ոչ»,- Ֆելաինիի խոսքը փոխանցում է Daily Mail-ը:
Հիշեցնենք, որ Մարուան Ֆելաինին, որն այժմ հանդես է գալիս չինական «Շանդոնգ Լյունենգում», «Մանչեսթեր Յունայթեդում» խաղացել է 2013-2019 թվականներին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։