«Միլանը» միայն 1 դեպքում նոր պայմանագիր կառաջարկի Պիոլիին
19:53 11 հոկտեմբերի, 2019Իտալական «Միլանի» ղեկավարությունը թիմի նորանշանակ գլխավոր մարզիչ Ստեֆանո Պիոլիի հետ հաջորդ մրցաշրջանում աշխատանքը կշարունակի, եթե «Միլանին» հաջողվի Չեմպիոնների լիգայի կամ Եվրոպայի լիգայի ուղեգիր վաստակել:
Պիոլին, որը «Միլանի» գլխավոր մարզիչի պաշտոնում նշանակվել էր հոկտեմբերի 9-ին, իտալական ակումբի կազմում իր առաջին մամուլի ասուլիսի ժամանակ վստահեցրել էր, որ «Միլանը» շուտով կսկսի հաղթանակներ տանել:
Պիոլիի պայմանագիրը «Միլանի» հետ նախատեսված է մինչև ընթացիկ մրցաշրջանի ավարտը՝ 1 միլիոն եվրո աշխատավարձով: Եթե մրցաշրջանի ավարտից հետո «Միլանի» ղեկավարությունը ցանկանա շարունակել աշխատանքը Պիոլիի հետ, 53-ամյա մասնագետի աշխատավարձը կկազմի 1.5 միլիոն եվրո:
Նշենք, որ «Միլանն» այժմ 9 միավորով 13-րդն է Իտալիայի առաջնության մրցաշարային աղյուսակում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։