Շանհայ․ Աշխարհի առաջին ռակետ Նովակ Ջոկովիչը դուրս մնաց պայքարից

13:17   11 հոկտեմբերի, 2019

Հույն թենիսիստ Ստեֆանոս Ցիցիպասը դուրս եկավ Շանհայի «Մասթերս» մրցաշարի կիսաեզրափակիչ՝ կամային հաղթանակ տանելով աշխարհի առաջին ռակետ, սերբ Նովակ Ջոկովիչի նկատմամբ։

2 ժամ 4 րոպե տեւած մրցախաղում Ցիցիպասն առավելության հասավ 3:6, 7:5, 6:3 հաշվով։ Ջոկովիչն այս մրցաշարի անցած տարվա հաղթողն է։

Կիսաեզրափակիչում Ցիցիպասի մրցակիցը կլինի ռուսաստանցի Դանիիլ Մեդվեդեւը, որը 6:3, 7:6 (7:4) հաշվով պարտության է մատնել իտալացի Ֆաբիո Ֆոնյինիին։

Շանհայի մրցաշարի մրցանակային հիմնադրամը 8,3 միլիոն դոլար է։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։