Անգլիայի հավաքականի եւ «Լիվերպուլի» նախկին պաշտպան Ջեյմի Կարագերը կարծիք է հայտնել ընթացիկ մրցաշրջանում Անգլիայի առաջնությունում իր նախկին ակումբի և «Մանչեսթեր Սիթիի» դիմակայության վերաբերյալ:
«Գոհ եմ «Լիվերպուլի» ցուցադրած խաղից: Կլոպն, իրոք, մրցունակ թիմ է ստեղծել, որը հաղթահարում է ցանկացած պաշտպանության արգելքները:
«Մանչեսթեր Սիթիում» մեծ թվով ֆուտբոլիստներ վնասվածքներ ունեն, և այս հանգամանքն ազդում է թիմի մրցելույթների վրա: «Լիվերպուլը» պետք է օգտվի «Մանչեսթեր Սիթիի» վրիպումներից և մեծացնի միավորների տարբերությունը»,- Կարագերի խոսքը մեջբերում է Talk Sport-ը:
Տեղեկացնենք, որ Պրեմիեր լիգայի 8-րդ տուրից հետո «Լիվերպուլը» միայն հաղթանակներ է տարել, «Մանչեսթեր Սիթին» հետ է մնում «Լիվերպուլից» 8 միավորով:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։