Էդվին վան դեր Սար․ «Մանչեսթեր Յունայթեդն» չունի ուժեղ բնավորությամբ խաղացողներ

16:08   10 հոկտեմբերի, 2019

«Մանչեսթեր Յունայթեդի» նախկին դարպասապահ, 48-ամյա հոլանդացի Էդվին վան դեր Սարը նշել է նորվեգացի Ուլե-Գունար Սուլշերի ղեկավարած թիմի խնդիրների եւ վերջին տարիներին ակումբի անհաջող մրցելույթների պատճառը։

«Երբ ես եկա «Մանչեսթեր Յունայթեդը», թիմում էին Ռայան Գիգզը, Փոլ Սքոուլզը, Ռիո Ֆերդինանդը, Գարի Նեւիլը եւ Ռոյ Քինը։ Թիմում միշտ կային բնավորությամբ խաղացողներ։ Վերջին տարիներին «Մանչեսթեր Յունայթեդը» չունի ուժեղ բնավորությամբ խաղացողներ։ Այստեղից էլ արդյունքների տարբերությունն է։

«Մանչեսթեր Յունայթեդը» ձեռք է բերել երիտասարդ, անփորձ խաղացողների, որոնք ցանկանում են հաղթել, բայց առայժմ չկա առաջընթաց։ Նախկինում նրանք այլ ֆուտբոլիստների էին գնում»,- «Մանչեսթեր Յունայթեդի» հետ Անգլիայի քառակի չեմպիոն եւ Չեմպիոնների լիգայի գավաթակիր դարձած Վան դեր Սարի խոսքը մեջբերում է ESPN-ը։

Անգլիայի ընթացիկ առաջնության 8 տուրից հետո «Մանչեսթեր Յունայթեդը 9 միավորով 12-րդ տեղում է։ 



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։