Նուրմագոմեդովի մենեջերը հայտնել է՝ երբ տեղի կունենա Ֆերգյուսոնի հետ մենամարտը
18:05 9 հոկտեմբերի, 2019Խառը մենամարտերի թեթև քաշային կարգի չեմպիոն, ռուսաստանցի Խաբիբ Նուրմագոմեդովն իր հաջորդ մենամարտը կանցկացնի 2020թ. մարտին, հայտնել է մարզիկի մենեջեր Ալի Աբդել-Ազիսը:
Մոսկվայում տեղի ունենալիք մենամարտում Նուրմագոմեդովի մրցակիցը կլինի ամերիկացի Թոնի Ֆերգյուսոնը:
«Խաբիբը ցանկանում է հնարավորինս շուտ մենամարտել: Ֆերգյուսոնի հետ մենամարտը տեղի կունենա մարտին, վատագույն դեպքում՝ ապրիլին: Հուսով եմ, որ այդ մենամարտից հետո Ֆերգյուսոնը հավերժ կփակի իր բերանը»,- Աբդել-Ազիսի խոսքը մեջբերում է ESPN-ն:
Ավելի վաղ հայտնի էր դարձել, որ Թոնի Ֆերգյուսոնի հետ մենամարտից հետո Խաբիբ Նուրմագոմեդովը ռևանշ մենամարտ կանցկացնի Քոնոր Մաքգրեգորի հետ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։