Անգլիայի հավաքականը կհեռանա խաղադաշտից ռասիստական վանկարկումների դեպքում

12:27   9 հոկտեմբերի, 2019

Ֆուտբոլի Անգլիայի հավաքականի խաղացողները մտադիր են ամբողջ թիմով լքել խաղադաշտը, եթե Եվրո-2020-ի ընտրական մրցաշարի առաջիկա հանդիպումներում երկրպագուների կամ մրցակիցների կողմից լինեն ռասիստական բնույթի վիրավորանքներ։ Այդ մասին պատմել է «Չելսիի» եւ Անգլիայի հավաքականի հարձակվող Թեմի Աբրահամը։

«Եթե որեւէ մեկիս հետ տեղի ունենա այդպիսի միջադեպ, դա կլինի ամբողջ թիմին ուղղված վիրավորանք։ Մեր նախաձեռնությանն աջակցել է թիմի ավագ Հարի Քեյնը։ Նա էլ առաջարկել է ամբողջ թիմով հեռանալ խաղադաշտից այդպիսի իրավիճակում»,- Աբրահամի խոսքը մեջբերում է BBC-ն։

Հիշեցնենք, որ նախկինում Բուլղարիայի հավաքականի ֆանատներն ռասիզմի հողի վրա անպատվել էին Անգլիայի հավաքականի եւ «Մանչեսթեր Սիթիի» կիսապաշտպան Ռահիմ Ստերլինգին։

Հոկտեմբերի 11-ին Անգլիայի հավաքականը կմրցի Չեխիայի, հոկտեմբերի 14-ին՝ Չեռնոգորիայի հավաքականի հետ։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։