Ֆուտբոլի Հայաստանի ազգային հավաքականի և գերմանական «Հոֆենհայմի» հարձակվող Սարգիս Ադամյանը Հայաստանի ֆուտբոլի ֆեդերացիային տված հարցազրույցի ժամանակ խոսել է Գերմանիայի առաջնության 8-րդ տուրում Մյունխենի «Բավարիայի» նկատմամբ տարած հաղթանակի մասին:
«Շատ կարևոր հաղթանակ տարանք Մյունխենում, քանի որ «Հոֆենհայմն» այնտեղ երբեք չէր հաղթել: Մեզ հաջողվեց շատ կարևոր միավորներ վաստակել, քանի որ ակումբի ունեցած միավորները բավականին քիչ էին:
«Հոֆենհայմի» ֆուտբոլիստները շատ էին ուրախացել «Բավարիային» հաղթելու կապակցությամբ: Բոլորը շնորհավորում էին ինձ»,- ասել է Ադամյանը:
Հիշեցնենք, որ «Հոֆենհայմն» «Ալյանս Արենա» ստադիոնում 2:1 հաշվով հաղթեց Գերմանիայի չեմպիոն «Բավարիային»: Սարգիս Ադամյանը դարձավ դուբլի հեղինակ:
Այժմ «Հոֆենհայմը» 8 միավորով Բունդեսլիգայի մրցաշարային աղյուսակի 12-րդ տեղում է:
26-ամյա հարձակվողը հիմա Հայաստանի ազգային հավաքականի կազմում պատրաստվում է Եվրոպայի առաջնության ընտրական փուլի հերթական տուրերի հանդիպումներին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։