Էրիկսեն. Հիմա իմ կարիերայի ամենաբարդ հատվածն է

00:12   9 հոկտեմբերի, 2019

Անգլիական «Տոտենհեմի» և Դանիայի ազգային հավաքականի կիսապաշտպան Կրիստիան Էրիկսենը խոսել է ընթացիկ մրցաշրջանում «Տոտենհեմի» մրցելույթների և իր շուրջ ստեղծված իրավիճակի մասին:

«Հիմա իմ կարիերայի ամենաբարդ հատվածն է: 2014 թվականից հետո «Տոտենհեմը» միշտ առաջընթաց է գրանցել, իսկ այժմ մենք պարտվում ենք, սակայն պարտության պատճառները շատ դժվար է նշել:

Իմ՝ «Տոտենհեմից» հեռանալու մասին լուրերը ոչինչ չեն նշանակում: Ես «Տոտենհեմի» ֆուտբոլիստ եմ և ամեն ինչ կանեմ այս թիմի կազմում հաջողության հասնելու համար»,- Էրիկսենի խոսքը մեջբերում է Ekstra Bladet-ը:

Հիշեցնենք, որ Չեմպիոնների լիգայի խմբային փուլի երկրորդ տուրում «Տոտենհեմը» 2:7 հաշվով պարտվեց «Բավարիային», իսկ Պրեմիեր լիգայի 8-րդ տուրում 0:3 հաշվով՝ «Բրայթոնին»:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։