Իսպանիայի առաջնության 8-րդ տուրում չեմպիոն «Բարսելոնան» «Կամպ Նոու» ստադիոնում մրցեց «Սևիլիայի» հետ:
Հանդիպման վերջնամասում խաղի գլխավոր մրցավար Մատեո Լաոսը խաղադաշտից հեռացրեց «Բարսելոնայի» պաշտպան Ռոնալդ Արաուխոյին, այնուհետև՝ Ուսման Դեմբելեին: Արաուխոն կարմիր քարտ ստացավ կոպիտ խախտում կատարելու, իսկ Դեմբելեն՝ մրցավարին վիրավորելու համար:
Sport.es-ը հայտնում է, որ Մեսին մոտեցել է հանդիպման գլխավոր մրցավարին և բացատրել, որ Դեմբելեն իսպաներեն խոսել չգիտի և կարող է սխալված լինել իր արտահայտություններում: Այնուամենայնիվ, Մատեո Լաոսը չի չեղարկել Դեմբելեի կարմիր քարտը:
Ավելի վաղ հայտնի էր դարձել, որ Արաուխոյին կարմիր քարտ ցույց տալուց հետո Դեմբելեն Մատեո Լաոսին շատ վատ մրցավար էր անվանել:
Հիշեցնենք, որ «Բարսելոնան» հաղթանակ տարավ «Սևիլիայի» նկատմամբ 4:0 հաշվով:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։