Տուխելը արդարացված է համարում ՊՍԺ-ի ֆանատների բացասական վերաբերմունքը Նեյմարի նկատմամբ
15:21 8 հոկտեմբերի, 2019Ֆրանսիայի չեմպիոն ՊՍԺ-ի գերմանացի գլխավոր մարզիչ Թոմաս Տուխելը արդարացված է համարում փարիզյան ակումբի ֆանատների բացասական վերաբերմունքը բրազիլացի հարձակվող Նեյմարի նկատմամբ, որն ամռանը ցանկանում էր հեռանալ ՊՍԺ-ից։
«Երկրպագուներն արտահայտում են իրենց կարծիքը։ Ես կարող եմ հասկանալ այդ հույզերը, նրանք ունեն իրավունք արտահայտել իրենց զգացմունքները։ Ֆանատները հպարտանում են ՊՍԺ-ով, եւ այնքան էլ լավ չէ, որ խաղացողն ամեն շաբաթ հայտարարում է ակումբից հեռանալու ցանկության մասին։
Ես եւ Նեյմարը հասկանում էինք, որ պետք չէ փչացնել հարաբերությունները, քանի որ հնարավոր է նաեւ այսպիսի իրավիճակ եւ տրանսֆերի ձախողում։ Այդպես էլ եղավ։ Նեյմարը միշտ մարզվել է, այժմ էլ իմ աշխատանքն է ստիպել նրան ցուցադրել առավելագույնը»,- Տուխելի խոսքը մեջբերում է beinsports-ը։
Հիշեցնենք, որ ամռանը «Բարսելոնայի» եւ ՊՍԺ-ի բանակցությունները արդյունք չտվեցին, եւ Նեյմարի վերադարձը կատալոնական ակումբ տեղի չունեցավ։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։