Սպորտային մարմնամարզության Հայաստանի հավաքականի գլխավոր մարզիչ Հակոբ Սերոբյանը Գերմանիայի Շտուտգարտ քաղաքից NEWS.am Sport-ի թղթակցի հետ զրույցում մեկնաբանել է Հայաստանի թիմի անդամներ Արթուր Դավթյանի եւ Արթուր Թովմասյանի մրցելույթը աշխարհի առաջնությունում։
«Արթուր Դավթյանի վարժությունը հեշտացրել էինք մտածված, որ պայքարեր օլիմպիական ուղեգրի համար: Բազմամարտում 9-րդ տեղով նա նվաճեց 2020թ․ Տոկիոյի Օլիմպիական խաղերի անվանական ուղեգիր։ Օլիմպիական խաղերում հենացատկում արդեն կբարդացնենք վարժությունը եւ կպայքարենք մեդալի համար: Այստեղ գերնպատակը օլիմպիական ուղեգիր նվաճելն էր:
Արթուր Թովմասյանն օղակների վարժության եզրափակիչ է դուրս եկել 8-րդ տեղով: Oլիմպիական ուղեգիր եւ մեդալ նվաճելու մեծ հնարավորություն ունի»,- նշեց Հակոբ Սերոբյանը:
Արթուր Թովմասյանը եզրափակիչում հանդես կգա հոկտեմբերի 12-ին։
Լուսինե Շահբազյան
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։