Գերմանիայի Շտուտգարտ քաղաքում անցկացվող սպորտային մարմնամարզության աշխարհի առաջնությունում Հայաստանի հավաքականի մարզիկներից պայքարը եզրափակիչում կշարունակի միայն Արթուր Թովմասյանը։
Օղակների վարժության որակավորման փուլում նա 14․566 միավորով գրավեց 8-րդ տեղ՝ նվաճելով եզրափակիչի ուղեգիր։ Մեդալների համար պայքարը տեղի կունենա հոկտեմբերի 12-ին։
Արթուր Դավթյանը մասնակցեց բազմամարտի մրցմանը եւ զբաղեցրեց 37-րդ տեղը․ հենացատկում նա 25-րդն էր, նժույգի վարժությունում՝ 33-րդը, օղակների վարժությունում՝ 36-րդ, ազատ վարժություններում՝ 62-րդ, զուգափայտերի վարժությունում՝ 140-րդը։
Հարություն Մերդինյանը նժույգի վարժությունում գրավեց 13-րդ տեղը։
Աշխարհի առաջնությունը օլիմպիական վարկանիշային է։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։