«Յուվենտուսը» Միլանում հաղթեց «Ինտերին»

00:45   7 հոկտեմբերի, 2019

Իտալիայի առաջնության 7-րդ տուրի կենտրոնական խաղում Միլանի «Ինտերն» ընդունեց  չեմպիոնի տիտղոսը պաշտպանող Թուրինի «Յուվենտուսին», որն էլ առավելության հասավ 2։1 հաշվով։

Արդեն չորրորդ րոպեին հաշիվը բացեց հյուրերի արգենտինացի հարձակվող Պաուլո Դիբալան։ 18-րդ րոպեին 11 մետրանոց նշանակվեց «Յուվենտուսի» դարպասին եւ հաշվի հավասարությունը վերականգնեց արգենտինացի հարձակվող Լաուտարո Մարտինեսը։ 80-րդ րոպեին արգենտինացի հարձակվող Գոնսալո Իգուաինը խփեց չեմպիոնների հաղթական գոլը։

«Յուվենտուսը» 19 միավորով բարձրացավ առաջին տեղ, «Ինտերը» հետ է 1 միավոր։ Երրորդ տեղում ընթացող «Ատալանտան» ունի 16 միավոր։

Իտալիայի առաջնություն, 7-րդ տուր

«Ինտեր» - «Յուվենտուս»՝ 1։2 (տեսանյութ)

Լաուտարո Մարտինես, 18, 11մ - Պաուլո Դիբալա, 4, Գոնսալո Իգուաին, 80



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։