«Այաքսը» պատրաստ է 50 միլիոն եվրոյով վաճառել առանցքային խաղացողներից մեկին

09:07   7 հոկտեմբերի, 2019

Հոլանդիայի չեմպիոն եւ գավաթակիր Ամստերդամի «Այաքսը» պատրաստ է վաճառել կիսապաշտպան Հակիմ Զիեշին, որն անցած մրցաշրջանում թիմի առանցքային խաղացողներից էր։

Մարոկկոն ներկայացնող 26-ամյա ֆուտբոլիստի ծառայություններով հետաքրքրվում են մի քանի առաջատար ակումբներ։ «Այաքսը» կքննարկի 50 միլիոն եվրոյից սկսվող առաջարկները, հաղորդում է De Telegraaf-ը։

Նախկինում «Այաքսը» պատրաստ է եղել Զիեշին վաճառել 26 միլիոն եվրոյով, սակայն գործարքը տեղի չի ունեցել։

Ընթացիկ մրցաշրջանում Զիեշը «Այաքսի» հետ բոլոր մրցաշարերում մասնակցել է 14 հանդիպման, խփել 5 գոլ, կատարել 7 գոլային փոխանցում։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։