«Ռոման» չհաղթեց առանց Մխիթարյանի (տեսանյութ)

Իտալիայի առաջնության 7-րդ տուրում «Ռոման» տանը խաղաց «Կալյարիի» հետ։ Դաշտի տերերը բավարարվեցին 1 միավորով։ Գրանցվեց ոչ ոքի՝ 1։1։ Վերջին րոպեին հռոմեական թիմի խորվաթ հարձակվող Նիկոլա Կալինիչը գրավեց մրցակցի դարպասը, սակայն VAR-ի օգնությամբ գոլը չգրանցվեց։

Վնասվածքի պատճառով մայրաքաղաքային թիմի կազմում հայտավորված չէր Հայաստանի հավաքականի կիսապաշտպան Հենրիխ Մխիթարյանը։

«Ռոման» 12 միավորով 5-րդ տեղում է։ «Կալյարին» ունի 11 միավոր եւ 7-րդն է։ 6-րդ տեղ բարձրացավ «Լացիոն», որը 2։2 հաշվով ավարտեց արտագնա հանդիպումը «Բոլոնիայի» հետ եւ նույնպես ունի 11 միավոր։

Իտալիայի առաջնություն, 7-րդ տուր

«Ռոմա» - «Կալյարի»՝ 1։1 (տեսանյութ)

Լուկա Չեպիտելի, 31, ինքնագոլ - Ժոաո Պեդրո, 26, 11մ

«Ատալանտա» - «Լեչե»՝ 3։1

Դուվան Սապատա, 35, Ալեխանդրո Գոմես, 40, Ռոբին Գոզենս, 56 - Ֆաբիո Լուչիոնե, 86

«Բոլոնիա» - «Լացիո»՝ 2։2

Լադիսլավ Կրեյչի, 21, Ռոդրիգո Պալասիո, 31 - Չիրո Իմոբիլե, 23, 39

Հեռացումներ՝ Գարի Մեդել («Բոլոնիա»), 70 - Լուկաս Լեյվա («Լացիո»), 59, երկրորդ դեղին քարտ

«Տորինո» - «Նապոլի»՝ 20։00

«Ինտեր» - «Յուվենտուս»՝ 22։45