Իսպանիայի առաջնության 8-րդ տուրում Մադրիդի «Սանտիագո Բեռնաբեու» ստադիոնում մրցում էին մրցաշարային աղյուսակի առաջատարները՝ «Ռեալն» ու «Գրանադան»:
Զինեդին Զիդանի գլխավորած թիմին հաջողվեց հաղթանակ տանել լարված պայքարում: «Ռեալի» կազմից աչքի ընկան Քարիմ Բենզեման, Էդեն Ազարը, Լուկա Մոդրիչը և Խամես Ռոդրիգեսը, իսկ «Գրանադայի» կազմից գոլերի հեղինակ դարձան Դարվին Մաչիսը և Դոմինգոս Դուարտեն:
«Ռեալն» այժմ ունի 18 միավոր և կշարունակի գլխավորել մրցաշարային աղյուսակը:
Անգլիայի Պրեմիեր լիգայի 8-րդ տուրում փոխչեմպիոն «Լիվերպուլը» տնային խաղում մրցեց «Լեսթերի» հետ: Յուրգեն Կլոպի գլխավորած թիմը մեծ դժվարությամբ հերթական հաղթանակը տարավ:
Խաղի հաշիվը 40-րդ րոպեին բացեց «Լիվերպուլի» սենեգալցի հարձակվող Սադիո Մանեն, իսկ 80-րդ րոպեին անգլիացի կիսապաշտպան Ջեյմս Մադիսոնը խփեց պատասխան գնդակը: Հանդիպման ավելացված ժամանակի 5-րդ րոպեին անգլիացի կիսապաշտպան Ջեյմս Միլները խփեց «Լիվերպուլի» հաղթական գոլը:
«Լիվերպուլը» 24 հնարավորից վաստակել է 24 միավոր և կշարունակի զաբղեցնել մրցաշարային աղյուսակի առաջին տեղը, իսկ «Լեսթերը» 14 միավորով երրորդ տեղում է:
Իսպանիայի առաջնություն, 8-րդ տուր
«Ռեալ Մադրիդ» - «Գրանադա»՝ 4:2
Քարիմ Բենզեմա, 2, Էդեն Ազար, 45, Լուկա Մոդրիչ, 61, Խամես Ռոդրիգես, 90' - Դարվին Մաչիս, 69, Դոմինգոս Դուարտե, 77
Անգլիայի առաջնություն, 8-րդ տուր
«Լիվերպուլ» - «Լեսթեր»՝ 2:1
Սադիո Մանե, 40, Ջեյմս Միլներ, 90' - Ջեյմս Մադիսոն, 80
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։