Լաուտարո Մարտինեսը՝ «Բարսելոնայի» խաղադաշտում գոլ խփած «Ինտերի» առաջին ֆուտբոլիստը 1970-ից հետո
10:20 3 հոկտեմբերի, 2019Արգենտինացի հարձակվող Լաուտարո Մարտինեսը դարձել է «Բարսելոնային» «Կամպ Նոու» ստադիոնում գոլ խփած «Ինտերի» առաջին ֆուտբոլիստը 1970-ից հետո։ Այն ժամանակ աչքի է ընկել Մարիո Բերտինին։
22-ամյա Մարտինեսը Չեմպիոնների լիգայի խմբային մրցաշարի երկրորդ տուրի հանդիպման հաշիվը բացել է 119-րդ վայրկյանին։
Սա նաեւ «Բարսելոնայի» ամենարագ բաց թողած գոլն է Չեմպիոնների լիգայում 2011 թվականից հետո։ Այն ժամանակ «Միլանի» բրազիլացի հարձակվող Ալեշանդրե Պատոն կատալոնական թիմի դարպասը գրավել է խաղի 24-րդ վայրկյանին։
Հիշեցնենք, որ «Ինտերը» Մարտինեսի խփած գոլից հետո չի կարողացել պահել հաղթական հաշիվը եւ պարտվել է 1։2 հաշվով։ Դուբլի հեղինակ է դարձել ուրուգվայցի հարձակվող Լուիս Սուարեսը։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։