Գաել Անդոնյանը՝ վնասվածքից հետո ապաքինման եւ Եվրո-2020-ում Հայաստանի հավաքականի շանսերի մասին

12:12   26 սեպտեմբերի, 2019

Ամառային տրանսֆերային պատուհանի ժամանակ Հայաստանի հավաքականի թեկնածու, պաշտպան Գաել Անդոնյանը համալրեց ֆրանսիական երկրորդ լիգայում հանդես եկող «Այաչոն»։ Սակայն 24-ամյա ֆուտբոլիստը ուսի վնասվածքի պատճառով պաշտոնական հանդիպումներում դեռ չի նշել նորամուտը թիմում։

NEWS.am Sport-ի թղթակցի հետ զրույցում Գաել Անդոնյանը պատմեց վերականգնողական փուլի, խաղադաշտ վերադառնալու մեծ ցանկության մասին եւ  գնահատեց Հայաստանի ազգային հավաքականի հնարավորությունները Եվրո-2020-ի ընտրական մրցաշարում։

«Չորս շաբաթ մարզվեցի անհատական ծրագրով։ Սեպտեմբերի 30-ին կվերսկսեմ մարզումներս ընդհանուր խմբում։ Տեսնենք, թե ինչպես կզգամ ինձ, երբ կմարզվեմ ամբողջ ուժով։ Հույս ունեմ, որ շուտով կսկսեմ խաղալ։

Հայաստանի հավաքականը գերազանց խաղաց իտալացիների եւ բոսնիացիների դեմ։ Եզրափակիչ փուլ դուրս գալու շանսերի մասին կասեմ, որ ամեն ինչ հնարավոր է։ Մեր երկրի համար հսկայական նվաճում կլիներ եզրափակիչ փուլի ուղեգիրը»,- նշեց Գաել Անդոնյանը։

Հիշեցնենք, որ Եվրո-2020-ին ընտրական մրցաշարում Հայաստանի հավաքականը հոկտեմբերի 12-ին կհյուրընկալվի Լիխտենշտեյնին, հոկտեմբերի 15-ին՝ Ֆինլանդիային։

Սամվել Սուքիասյան



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։