Մադրիդի «Սանտիագո Բեռնաբեու» ստադիոնում «Ռեալն» Իսպանիայի առաջնության 6-րդ տուրում մրցում էր «Օսասունայի» հետ: Զինեդին Զիդանի գլխավորած թիմը 2:0 հաշվով հաղթանակ տարավ և, շրջանցելով Բիլբաոյի «Աթլետիկին» և Մադրիդի «Աթլետիկոյին», բարձրացավ մրցաշարային աղյուսակի առաջին տեղ:
Արքայական ակումբի առաջին գոլը խաղի 36-րդ րոպեին խփեց Վինիսիուս Ժունիորը: 72-րդ րոպեին Ռոդրիգոն կրկնապատկեց իր թիմի առավելությունը:
Այժմ «Ռեալը» վաստակած 14 միավորով մրցաշարային աղյուսակի առաջին տեղում է:
Ֆրանսիայի առաջնության 7-րդ տուրում «Պարկ դե Պրենս» ստադիոնում ՊՍԺ-ն ընդունել էր «Ռեյմսին»: Թոմաս Տուխելի թիմը 0:2 հաշվով պարտություն կրեց:
«Ռեյմսի» առաջին գոլի հեղինակ դարձավ Գամբիայի հավաքականի կիսապաշտպան Ասան Կամարան, իսկ ավելացված ժամանակի երկրորդ րոպեին իր թիմի առավելությունը կրկնապատկեց Բույայե Դիյան:
7-րդ տուրից հետո ՊՍԺ-ն 15 միավորով կշարունակի գլխավորել Ֆրանսիայի առաջնության մրցաշարային աղյուսակը: «Անժեն», որը երկրորդ տեղում է, ևս ունի 15 միավոր:
Իսպանիայի առաջնություն, 6-րդ տուր
«Ռեալ Մադրիդ» - «Օսասունա»՝ 2:0 (տեսանյութ)
Վինիսիուս Ժունիոր, 36, Ռոդրիգո, 72
Ֆրանսիայի առաջնություն, 7-րդ տուր
ՊՍԺ - «Ռեյմս»՝ 0:2 (տեսանյութ)
Ասան Կամարա, 29, Բուլայե Դիյա, 90+2
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։