Ռուսաստանի Խանտի Մանսիյսկ քաղաքում շարունակվող շախմատի աշխարհի գավաթի խաղարկության քառորդ եզրափակիչում հայկական շախմատի առաջատար, աշխարհի կրկնակի գավաթակիր Լեւոն Արոնյանն (2758) ու ֆրանսիացի Մաքսիմ Վաշյե-Լագրավը (2774) պայքարը շարունակում են թայ-բրեյքում։ Երկու հիմնական պարտիաներում գրանցվել է ոչ ոքի։
ՖԻԴԵ-ն ներկայացնում է ուղիղ հեռարձակում մեկնաբանությամբ։
Այս դիմակայության հաղթողը կիսաեզրափակիչում կմրցի ադրբեջանցի Թեյմուր Ռաջաբովի (2758) հետ, որը 1,5։0,5 հաշվով հաղթել է ԱՄՆ-ի ներկայացուցիչ Ջեֆրին Սյոնգին (2707)։
Կիսաեզրափակիչ է դուրս եկել նաեւ չինացի Դին Լիրենը (2811), որը 1,5։0,5 հաշվով հաղթել է ռուսաստանցի Ալեքսանդր Գրիշչուկին (2759)։
Դին Լիրենի մրցակիցը կլինի ռուսաստանցի Նիկիտա Վիտյուգովի (2732) եւ չինացի Յանջի Յուի (2763) զույգի հաղթողը։ Երկու պարտիաներից հետո հավասարություն է, եւ Վիտյուգովն ու Յուն եւս թայ-բրեյքում կվիճարկեն կիսաեզրափակիչի ուղեգիրը։
Մրցաշարի մրցանակային հիմնադրամը 1,6 միլիոն դոլար է։ Գավաթակիրը կստանա 110 հազար դոլար, քառորդ եզրափակիչում պարտություն կրածը՝ 35 հազար դոլար։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։