Ալեքսանդր Կարապետյան․ Սա ամենակարեւոր փուլն է իմ կյանքում
09:09 25 սեպտեմբերի, 2019Ռուսաստանի առաջնության 10-րդ տուրում «Սոչին» Մոսկվայում 3։2 հաշվով հաղթել էր «Դինամոյին»։ Հյուրերի հաղթական գոլը 90-րդ րոպեին խփել էր Հայաստանի հավաքականի հարձակվող Ալեքսանդր Կարապետյանը, որը փոխարինման էր դուրս եկել 76-րդ րոպեին։
NEWS.am Sport-ի թղթակցի հետ զրույցում 31-ամյա հարձակվողը պատմել է «Դինամոյին» խփած հաղթական գոլի, իր լավագույն գոլի եւ կարիերայում կարեւորագույն ժամանակահատվածի մասին։
«Միշտ շատ հաճելի է գոլ խփել վերջին վայրկյաններին եւ հաղթանակ բերել թիմին, հատկապես, եթե հարձակվող ես։ Ուրախ եմ, որ խփեցի «Սոչիի» համար կարեւոր գոլ։ Կարողացանք դրսեւորել կամային որակներ եւ հասնել նպատակին։ Պետք է շարունակենք նույն ոգով, քանի որ իսկապես լավ թիմ ենք ձեւավորել։
Սա լավ գոլ էր, բայց ամենակարեւոր գոլն առայժմ եղել է Իտալիայի հավաքականին ընտրական խաղում խփած գոլս։ Ցանկանում եմ օպտիմալ մարզավիճակ հավաքել Լիխտենշտեյնի եւ Ֆինլանդիայի հետ առաջիկա ընտրական խաղերին ընդառաջ։ Սա ամենակարեւոր փուլն է իմ կյանքում»,- նշեց Կարապետյանը։
Ռուսաստանի ընթացիկ առաջնության 9 խաղում Կարապետյանը խփել է 2 գոլ։
Եվրո-2020-ի ընտրական մրցաշարում Հայաստանի հավաքականը Լիխտենշտեյնին կհյուրընկալվի հոկտեմբերի 12-ին, Ֆինլանդիային՝ հոկտեմբերի 15-ին։
Սամվել Սուքիասյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.