Աշխարհի գավաթ․ Լեւոն Արոնյանն ու Մաքսիմ Վաշյե-Լագրավը պայքարը կշարունակեն թայ- բրեյքում (Live)
15:28 24 սեպտեմբերի, 2019Ռուսաստանի Խանտի Մանսիյսկ քաղաքում շարունակվող շախմատի աշխարհի գավաթի խաղարկության քառորդ եզրափակիչում հայկական շախմատի առաջատար, աշխարհի գավաթակիր Լեւոն Արոնյանը (2758) եւ ֆրանսիացի Մաքսիմ Վաշյե-Լագրավը (2774) պայքարը կշարունակեն թայ-բրեյքում։
Երկրորդ հիմնական պարտիայում կողմերը արագ ոչ ոքի խաղացին 31 քայլում։ Առաջին պարտիայում եւս գրանցվել էր ոչ ոքի։
Թայ-բրեյքը տեղի կունենա սեպտեմբերի 25-ին։
Մյուս զույգերում երկրորդ պարտիաները դեռ չեն ավարտվել։ Առաջին պարտիաներում բոլորը համաձայնել էին ոչ ոքի արդյունքի։
ԱՄՆ-ի ներկայացուցիչ Ջեֆրին Սյոնգը (2707) մրցում է ադրբեջանցի Թեյմուր Ռաջաբովի (2758), ռուսաստանցի Ալեքսանդր Գրիշչուկը՝ (2759) չինացի Դին Լիրենի (2811), ռուսաստանցի Նիկիտա Վիտյուգովը՝ (2732) չինացի Յանջի Յուի (2763) հետ։
Կիսաեզրափակիչ դուրս գալու դեպքում, Արոնյանի մրցակիցը կլինի Սյոնգի եւ Ռաջաբովի դիմակայության հաղթողը։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։