Կամո Հովհաննիսյանը՝ «Աստանայի» դեմ խաղում ստացած վնասվածքի մասին

15:20   24 սեպտեմբերի, 2019

Ղազախստանի առաջնության 27-րդ տուրում «Ժետիսուն» տանը կամային հաղթանակ էր տարել «Աստանայի» նկատմամբ՝ 2։1։ Դաշտի տերերի մեկնարկային կազմում էր նաեւ Հայաստանի հավաքականի պաշտպան Կամո Հովհաննիսյանը, որը վնասվածքի պատճառով արդեն 8-րդ րոպեին փոխարինվել էր։

NEWS.am Sport-ի թղթակցի հետ զրույցում 26-ամյա ֆուտբոլիստը պատմել է իր վնասվածքի մասին։

«Վնասվածքի ծանրության աստիճանի եւ ապաքինման ժամկետի մասին դեռ ոչինչ չեմ կարող ասել։ Ամեն ինչ պարզ կլինի ավելի դետալային բուժզննումից հետ։ Մկանային վնասվածք ստացա, երբ փորձում էի կասեցնել եզրից եկող փոխանցումը»,- նշեց Կամո Հովհաննիսյանը։

Ղազախստանի ընթացիկ առաջնության 25 խաղում Կամո Հովհաննիսյանը խփել է 5 գոլ։

Սամվել Սուքիասյան



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։