Լիխտենշտեյն - Հայաստան խաղի տոմսերը՝ 20-30 շվեյցարական ֆրանկ

13:08   24 սեպտեմբերի, 2019

Ֆուտբոլի Եվրո-2020-ի ընտրական փուլի J խմբի 7-րդ տուրի Լիխտեյնշտեյն - Հայաստան հանդիպման տոմսերի գինը 20-ից 30 շվեյցարական ֆրանկ է։

Հայաստանի հավաքականի երկրպագուները տոմսերը կարող են ձեռք բերել խաղի օրը Լիխտեյնշտեյնի մայրաքաղաք Վադուցի «Ռեյնպարկ» ստադիոնի հարևանությամբ գտնվող տոմսարկղից՝ ժամը 14։00-ից մինչև 19։30 (տեղական ժամանակով)։   

Հայկական կողմին հատկացվել է «Ռեյնպարկ» ստադիոնի երկրորդ տրիբունայի F, G, H, J սեկցիաները։ Տոմսերը գնելուց անպայման պետք է ներկայացնել ՀՀ քաղաքացիությունը հաստատող փաստաթուղթ, հայտնում է ՀՖՖ- կայքը։

Լիխտենշտեյն - Հայաստան հանդիպումը տեղի կունենա հոկտեմբերի 12-ին եւ կմեկնարկի Երեւանի ժամանակով 22։45-ին։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։