Աշխարհի գավաթ․ Լեւոն Արոնյան - Մաքսիմ Վաշյե-Լագրավ՝ ոչ ոքի (Live)
16:29 23 սեպտեմբերի, 2019Ռուսաստանի Խանտի Մանսիյսկ քաղաքում անցկացվող շախմատի աշխարհի գավաթի խաղարկության քառորդ եզրափակիչում հայկական շախմատի առաջատար, աշխարհի գավաթակիր Լեւոն Արոնյանը (2758) առաջին պարտիայում սպիտակներով մրցեց ֆրանսիացի Մաքսիմ Վաշյե-Լագրավի (2774) հետ։ 44-րդ քայլում կողմերը համաձայնեցին ոչ ոքի արդյունքի։ Երկրորդ պարտիան տեղի կունենա սեպտեմբերի 24-ին։
Ոչ ոքի ավարտվեց նաեւ ԱՄՆ-ի ներկայացուցիչ Ջեֆրին Սյոնգի (2707) ու ադրբեջանցի Թեյմուր Ռաջաբովի (2758) առաջին պարտիան։
Մյուս երկու զույգերում պայքարը դեռ շարունակում են ռուսաստանցի Ալեքսանդր Գրիշչուկն (2759) ու չինացի Դին Լիրենը (2811), ռուսաստանցի Նիկիտա Վիտյուգովն (2732) ու չինացի Յանջի Յուն (2763)։
Կիսաեզրափակիչ դուրս գալու դեպքում, Արոնյանի մրցակիցը կլինի Սյոնգի եւ Ռաջաբովի դիմակայության հաղթողը։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։