Վալվերդեն կհեռացվի եւս երկու խաղում միավորներ կորցնելու դեպքում

10:19   23 սեպտեմբերի, 2019

Իսպանիայի չեմպիոն «Բարսելոնայի» գլխավոր մարզիչ Էռնեստո Վալվերդեն մոտ է պաշտոնանկության, հաղորդում է AS-ը։

Կատալոնական ակումբի ղեկավարությունը կհեռացնի իսպանացի մասնագետին, եթե Իսպանիայի առաջնության առաջիկա երկու հանդիպումներում թիմը միավոր կորցնի։

Վալվերդեն «Բարսելոնան» գլխավորել է 2017թ․ ամռանը։ Նրա ղեկավարությամբ թիմը երկու անգամ դարձել է Իսպանիայի չեմպիոն, մեկական անգամ՝ Իսպանիայի գավաթակիր եւ սուպերգավաթակիր։ 55-ամյա մասնագետի պայմանագիրը նախատեսված է մինչեւ այս մրցաշրջանի ավարտը։

Իսպանիայի ընթացիկ առաջնությունում «Բարսելոնան» 5 խաղում վաստակել է 7 միավոր եւ 8-րդ տեղում է։ 5-րդ տուրում թիմը 0։2 հաշվով պարտվեց «Գրանադային»։ 

Սեպտեմբերի 24-ին «Բարսելոնան» կընդունի «Վիլյառեալին», իսկ սեպտեմբերի 28-ին կհյուրընկալվի «Խետաֆեին»։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։