«Բարսելոնան» արտագնա հանդիպումներում չի հաղթել արդեն 5 ամիս

14:15   22 սեպտեմբերի, 2019

Իսպանիայի չեմպիոն «Բարսելոնան» հյուրընկալվելիս հաղթանակ չի տարել արդեն 5 ամիս։ Իսպանիայի առաջնության 5-րդ տուրում իսպանացի Էռնեստո Վալվերդեի գլխավորած թիմը մրցակցի խաղադաշտում 0։2 հաշվով պարտություն կրեց «Գրանադայից»՝ ամբողջ հանդիպման ընթացքում կատարելով միայն մեկ հարված դարպասին։ Այդ մեկ հարվածն էլ կատարեց ընդմիջմանը փոխարինման դուրս եկած արգենտինացի հարձակվող Լիոնել Մեսին։

Կատալոնական թիմը նախորդ անգամ արտագնա խաղում հաղթանակ է տարել ապրիլի 23-ին՝ 2։0 հաշվով պարտության մատնելով «Ալավեսին»։

Պրիմերայի հաջորդ տուրում «Բարսելոնան» տանը կմրցի «Վիլյառեալի» հետ։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։