Դե Խեան խոշոր գումար է նվիրաբերել Իսպանիայում փոթորիկից տուժածներին

21:12   21 սեպտեմբերի, 2019

Անգլիական «Մանչեսթեր Յունայթեդի» եւ Իսպանիայի ազգային հավաքականի դարպասապահ Դավիդ Դե Խեան օգնություն է ցույց տվել Իսպանիայի Ալիկանտե եւ Մուրսիա շրջաններում փոթորիկից տուժածներին։ Դե Խեան 200 հազար եվրո է փոխանցել Կարմիր խաչի միջազգային կոմիտեին, հաղորդում է կազմակերպության կայքը։

Կարմիր խաչի ներկայացուցիչները շնորհակալություն են հայտնել ֆուտբոլիստին նվիրաբերության համար։

Այս ամիս Իսպանիայում տարերային աղետից տուժել են տասնյակ հազարավոր մարդիկ, ափերից դուրս եկած գետերի ջրերի տակ են մնացել բազմաթիվ տներ։



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։