Վալվերդե. Հուսով եմ՝ Մեսին հնարավորինս շուտ կցուցադրի իր լավագույն խաղը

13:41   21 սեպտեմբերի, 2019

Կատալոնական «Բարսելոնայի» գլխավոր մարզիչ Էռնեստո Վալվերդեն Իսպանիայի առաջնության 5-րդ տուրի՝ «Գրանադայի» հետ խաղին նախորդած մամուլի ասուլիսի ժամանակ խոսել է առաջիկա հանդիպման, նաև վնասվածքից ապաքինված Լիոնել Մեսիի մասին:

«Հուսով եմ, որ Մեսին հնարավորինս շուտ կցուցադրի իր լավագույն խաղը: Ավելի քան 1 ամիս Մեսին խաղադաշտում չի եղել, և նրան ժամանակ է հարկավոր մարզավիճակ ձեռք բերելու համար:

«Գրանադան» ուժեղ մրցակից է և կարող է խնդիրներ ստեղծել մեզ համար: «Բարսելոնայի» համար այս խաղում հաղթելը շատ կարևոր է, քանի որ մենք այլևս միավորներ կորցնելու իրավունք չունենք»,- Վալվերդեի խոսքը մեջբերում է Իսպանիայի չեմպիոնի պաշտոնական կայքը:

«Գրանադա» - «Բարսելոնա» հանդիպումը տեղի կունենա սեպտեմբերի 21-ին՝ Երևանի ժամանակով 23:00-ին:



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։