«Ռոման» ձեռք է բերել Մխիթարյանին Դեպայից մերժում ստանալուց հետո

11:50   21 սեպտեմբերի, 2019

Իտալական «Ռոման» ամառային տրանսֆերային պատուհանի վերջին օրերին փորձել է իրականացնել ֆրանսիական «Լիոնի» և Հոլանդիայի ազգային հավաքականի հարձակվող Մեմֆիս Դեպայի տեղափոխությունը, հաղորդում է Get Football French News-ը:

«Ռոմայի» ղեկավարությանը հաջողվել է համաձայնության գալ «Լիոնի» հետ, սակայն 25-ամյա հարձակվողը չի ցանկացել տեղափոխվել Իտալիա:

Մեմֆիս Դեպայի կողմից վերջնական մերժում ստանալուց հետո «Ռոմայի» ղեկավարությունը կապ է հաստատել «Արսենալի» ղեկավարության հետ և համաձայնության է եկել Հայաստանի ազգային հավաքականի կիսապաշտպան Հենրիխ Մխիթարյանի վարձակալության շուրջ:

Ընթացիկ մրցաշրջանի ավարտին «Ռոման» հնարավորություն ունի ձեռք բերել Մխիթարյանի տրանսֆերային իրավունքը:



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։