Մոուրինյո. Ես չեմ կարող գլխավորել «Ռեալը»

00:39   21 սեպտեմբերի, 2019

Պորտուգալացի մարզիչ Ժոզե Մոուրինյոն խոսել է ընթացիկ մրցաշրջանում իր նախկին ակումբի՝ Մադրիդի «Ռեալի» գրանցած արդյունքների և Արքայական ակումբ վերադառնալու հնարավորության մասին:

«Ես չեմ կարող գլխավորել «Ռեալը», քանի որ այդ ակումբն ունի մարզիչ: Ես ցանկանում եմ, որպեսզի մարդիկ հարգեն Զիդանին և նրա կատարած աշխատանքը: 

«Ռեալը» վատ հանդիպումներ չի անցկացնում: Կարծում եմ, որ առաջիկա խաղերում իրավիճակը կփոխվի և «Ռեալը» կգլխավորի Իսպանիայի առաջնության մրցաշարային աղյուսակը»,- Մոուրինյոյի խոսքը փոխանցում է Marca-ն:

«Ռեալն» Իսպանիայի առաջնության չորրորդ տուրից հետո 8 միավորով երրորդն է մրցաշարային աղյուսակում և 2 միավորով է հետ մնում առաջատար «Սևիլիայից»: Չեմպիոնների լիգայի խմբային փուլի առաջին տուրում Զինեդին Զիդանի գլխավորած թիմը 0:3 հաշվով պարտվեց ՊՍԺ-ին:



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։