Կատալոնական «Բարսելոնայի» ֆրանսիացի հարձակվող Ուսման Դեմբելեն Լա Լիգայի առաջին տուրի՝ «Աթլետիկի» հետ խաղում ստացած վնասվածքից հետո սեպտեմբերի 20-ին առաջին մարզումն է անցկացրել:
Sport.es-ի հաղորդմամբ՝ Դեմբելեն մարզման հիմնական մասն անցկացրել է ընդհանուր խմբից առանձին՝ անհատական ծրագրով: Ամենայն հավանականությամբ, «Բարսելոնայի» գլխավոր մարզիչ Էռնեստո Վալվերդեն չի ընդգրկի Դեմբելեին Իսպանիայի առաջնության 5-րդ տուրի՝ «Գրանադայի» հետ հանդիպման հայտացուցակում:
«Բարսելոնան» «Կամպ Նոու» ստադիոնում «Գրանադայի» հետ կմրցի սեպտեմբերի 21-ին՝ Երևանի ժամանակով 23:00-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։